Три години од создавањето АНБ е функционална, етаблирана и високо почитувана институција во рамките на нашиот безбедносен систем и од страна на исто родните светски институции, оцени во објава на Фејсбук министерот за внатрешни работи Оливер Спасовски.
Тој денеска на покана од директорот на Агенцијата за национална безбедност, Виктор Димовски во Клубот на пратеници присуствувал на прославата по повод одбележување на Денот на АНБ, како што нагласува, безбедносна институција која веќе трета година од формирањето претставува еден од суштествените фактори во заштитата и безбедноста на сите наши граѓани, институции и државата во целост.
