Скокнаа цените на нафтата, се размислува за најголемо намалување на производството од 2020

Цените на нафтата скокнаа денес на меѓународните пазари кон 89 долари откако водечките произведувачи навестија дека би можеле да го намалат производството најмногу од првата година на пандемијата.

На лондонскиот пазар цената на барелот по пладне беше повисока за 3,77 долари отколку на затворањето на крајот на минатата недела и изнесуваше 88,91 долар. На американскиот пазар се тргуваше по повисока цена од 3,95 долари, односно за 83,44 долари.

Пазарите на почетокот на неделата ги разнишаа тврдењата на извори од Организацијата на земји извознички на нафта (ОПЕК) и групата нивни сојузници дека пред состанокот кон средината на неделата се размислува за намалување на производството од над милион барели дневно.

Бројката не го вклучува дополнителното доброволно намалување во одделни членки, напомена изворот од ОПЕК.

Групата со тоа би ги поддржала цените кои во летните месеци паднаа поради послабата побарувачка во Кина и стравувањата дека кренатите каматни стапки во големите економии ќе предизвикаат рецесија и ќе ѝ наштетат на побарувачката.

Дополнителен проблем во изминатите месеци беше посилниот долар, кој ја намалуваше куповната моќ на муштериите со другите валути.

„Овонеделниот состанок е со несигурност во заднината, но фундаментите на нафтата се релативно здрави“, вели Питер Мекнили од инвестициско-истражувачката компанија Трд бриџ.

„Двете најголеми прашања се изгледите на побарувачката (особено во Кина) и што ќе биде со руското снабдување откако на 5 декември ќе стапи на сила забраната на ЕУ“, додаде Мекнили.

Во мај ОПЕК+ произведуваше речиси три милиони барели дневно помалку од зацртаното, поради санкциите и слабите инвестиции кои на членките им ги ограничуваа капацитетите.

ПОСЛЕДНИ

Дресовите на Белингам се продаваат „како алва“, Реал трие раце

Шпанскиот гигант Реал Мадрид минатото лето го купи Џуд Белингам за 100 милиони евра, а Англичанецот е вистински хит од почетокот на сезоната.Англискиот репрезентативец...

„Тајм“ го избра Меси за спортист на годината

Аргентинската фудбалска ѕвезда Лионел Меси е прогласен за спортист на годината во изборот на американскиот магазин „Тајм“.Лео Меси постигна 10 гола на седум...

Приведено уште едно лице бидејќи помагал на Палчо да транзитира низ Бугарија

Обвинителството потврдува дека вечерва е приведено уште едно лице лице бидејќи помагал на Палчо по извршеното убиство на 14 годишната Вања. „Обвинителството поднесе предлог за...

Пикси до Видиќ: И да сум заработил 16 милиони евра, па што?!

Селекторот на Србија, Драган Стојковиќ – Пикси даде интервју за српски „Журнал“ во кое зборуваше за Немања Видиќ.Видиќ минатата недела кажа дека Пикси...