Кејт Мидлтон го посети породилното одделение во болницата во округот Ројал Сари во Гилдфорд каде што разговараше со медицинскиот персонал за сеопфатната поддршка што болницата им ја дава на бремените жени и новите мајки.
Тоа беше прво самостојно официјално појавување на Кејт Мидлтон по смртта на кралицата Елизабета Втора.
Принцезата од Велс изгледаше елегантно во жолт фустан од британската highstreet модна марка „Карен Милен“.
Станува збор за миди модел со плисиран долен дел, додека дизајнот на горниот дел се истакнува со тесно V-деколте, засечена јака и кратки ракави со лесен пуф. Фустанот има и ремен изработен од истиот материјал, што дополнително ја истакнува женската фигура.
