Руските војници се предаваат на северо – исток, југо – исток… и преку интернет

 

Руската влада во неделата им забрани на корисниците ширум земјата пристап до украинската веб-страница која ги охрабрува руските воени членови да се предадат, пренесува Бизнис инсајдер.

Од 4 октомври, страницата наречена Хочу Жит добила повеќе од 2.000 барања од припадници на руската војска да ги напуштат своите позиции и доброволно да им се предадат на украинските сили, објави Киjив Индипендент на Твитер.

Во превод од руски, Хочу Жит значи „Сакам да живеам“. Украинската државна веб-страница ветува дека ќе се придржува до женевските конвенции за третман на воени заробеници и им нуди на припадниците на руската војска три оброци дневно, правна поддршка и медицинска помош доколку се пријават да се предадат преку страницата или поврзаната телефонска линија.

Повик и инструкции до руските вијници кои сакаат да се предадат

Телефонот првпат беше објавен на 19 септември од Министерството за одбрана на Украина, само два дена пред рускиот претседател Владимир Путин да објави мобилизација на 300.000 воени резервисти – од кои многумина од регрутирани се на бојното поле.

Според украинското Министерство за одбрана, руските мажи, кои се повикани во војна со неодамнешната најава за мобилизација на претседателот Владимир Путин, користат украинска телефонска линија за да прашаат како можат да се предадат.

Според украинскиот весник „Украинска правда“, Андриј Јусов, портпарол на одделот, за време на телевизискиот брифинг изјавил дека имало силен одговор на телефонската линија „Сакам да живеам“.

Јусов рекол дека телефонската линија примила „многу повици“ од неодамна мобилизирани Руси, па дури и од некои кои сè уште не се мобилизирани.

„Тие се јавуваат и прашуваат „Што да правам ако ме повикаат? Што треба да направам, кој е вистинскиот начин да се предадам?“,  додава Јусов.

Во неделата, Проектот Роскомсвобода, невладина руска организација против цензура, објави дека пристапот до локацијата бил блокиран под надлежност на Канцеларијата на руското државно обвинителство.

Рускиот јавен обвинител, позиција која моментално ја има Игор Краснов, номиниран од Путин, го предводи судскиот систем на земјата.

„Проектот беше блокиран двапати… Првиот пат беше со „маска“ кога беше ограничен пристапот до сите домени и поддомени, вториот беше само конкретната веб-страница“, објави рускиот весник Комерсант за проектот Роскомсвобода за блокираната страница.

Министерството за одбрана на Украина, кое ја води веб-страницата Хочу Жит, и Владата на Руската Федерација не одговорија веднаш на барањата на Инсајдер за коментар.

Euroasian Times објави неколку видеа од бојното поле на кои се гледаат руски војници како се борат за живот и се предаваат .
Последните слики и видеа кои кружат на социјалните мрежи покажуваат како руските војници се предаваат на украинските војници во Херсонската област.

Видео кое се прошири на социјалните мрежи покажува како руско пешадиско борбено возило БМП-2 се приближува до групата група украински војници стационирани покрај  земјен пат во регионот на Херсон,  додека носи препознатлива бела ткаенина врзана за нејзината купола, што означува предавање.

Според извештаите, деморализираните руски војници кои сега се донесени од регионите што ги окупираа Русите како дел од блицкригот во Украина, се предаваат за да си ги спасат животите. Овие масовни предавања и положување оружје зстанаа помасовни откако рускиот претседател Владимир Путин потпиша декрет за регрутирање на своите сонародници способни за војна.

Извор: ЦивилМедиа

ПОСЛЕДНИ

Тотенхем постави негативен рекорд во Премиер лигата

Тотенхем имаше одличен старт и беше на врвот на Премиерлигата, но потоа следуваше период на лоши резултати и постави негативен рекорд.Лондонската екипа во...

Неверојатно промашување на Кварацхелија🎥

Јувентус и Наполи играат возбудлив натпревар кој на полувремето заврши без голови, но со многу шанси.Најзрелата ја пропушти Квича Кварацхелија, кој имаше „пенал...

Белингам мора на операција!?

Џуд Белингам оваа сезона е убедливо најдобриот фудбалер на Реал Мадрид, но тренерот Карло Анчелоти ги загрижи фановите.Англичанецот има проблем со рамото и...

Адеми му честиташе на Џафери: Али Ахмети ја руши секоја политичка бариера за Албанците 

Координаторот на пратеничката група на ДУИ, Арбер Адеми преку објава на социјалните мрежи му честиташе на Талат Џафери за кого беше одлучено на последниот...