Пратеникот од германскиот Бундестаг воедно и претседател на тамошната Комисија за надворешна политика Михаел Рот, на Твитер напиша дека доаѓа во предизвикувачко и фрустрирачко време за Македонците. Тој денеска е во посета на зејмава, при што ќе се сретне со државниот врв.
„ Добро утро Скопје! Добро е да се вратиш во предизвикувачки, фрустрирачки времиња за Македонците! Но, вие никогаш нема да чекорите сами… Надежта е клучот! И патем: Македонскиот е јазик во Европа на културни различности!“, напиша Рот.
Пред да биде избран за пратеник во Бундестагот, Михаел Рот ја извршуваше функцијата државен министер за Европа во германското МНР.
Рот последен пат беше во земјава во мај лани кога беше министер за Европа, а во пресрет на минатогодишниот јунски состанок на Советот на ЕУ за општи работи кога се правеа напори за усогласување на преговарачката рамка и почеток на преговорите на Северна Македонија со ЕУ.
Добро утро Скопје! Good to be back in challenging, frustrating times for the Macedonians. But you’ll never walk alone… Hope is key! And by the way: Macedonian is a language in a Europe of cultural diversity! 😜 🇲🇰🇪🇺🇩🇪
— Michael Roth MdB 🇪🇺🇺🇦 (@MiRo_SPD) August 31, 2022
