Фудбалерот на Арсенал кој игра на позајмица во Монца вчера бил еден од повредените во нападот со нож во предградието на Милано.
Напаѓачот во еден од маркетите на „Керфур“ во шопинг центарот во Милано влегол со нож и започнал да повредува луѓе во негова близина. Во негова близина се нашол и Пабло Мари.
„Неколку моменти пред нападот одев низ продавницата туркајќи количка во која беше моето дете, наеднаш почувствував голема болка во грбот, како да добив грч. Имав среќа затоа што видов како човек yмиpa пред мене, му беше пpeceчен вратот. Јас сум добро во понеделник се враќам на терените“, изјави Мари кој до болницата бил пренесен со хеликоптер.
Според информациите на медиумите животот во нападот го загубила 47-годишна касиерка од Боливија, додека двајца мажи на возраст од 40 и 72 години се тешко повредени. Наводно напаѓачот имал психички проблеми и бил примен во 6олница на 18. октомври откако се удрил во главата.