Карим Бензема заслужено ја доби наградата „Златна топка“ пред Роберт Левандовски и Садио Мане.

Во конкуренција за ова престижно признание од „Франс Фудбал“ беше и напаѓачот на ПСЖ, Килијан Мбапе. Сепак, помладиот сонародник на Бензема ќе почека за вакво признание.

Но, со еден момент и Мбапе го привлече вниманието на гала вечерта во Париз. Францускиот фудбалер подолго време е во центарот на вниманието поради неговиот однос, но и информациите дека сака да си замине.

Иако само еден ден пред церемонијата ги демантираше таквите гласини, навивачите во Париз му покажаа што мислат за него. Место со аплаузи тој вчера беше дочекан со свирежи.

Коментари