Османи: Отворањето на бугарскит клуб е провокација и на штета на бугарската заедница во државава

Министерот за надворешни работи Бујар Османи на денешниот брифинг со новинарите кажа дека негов личен став е дека отворањето на клуб во Охрид кој го носи името на цар Бори Трети е на штета на бугарската заедница во земјава бидејќи претставува провокација. Османи се прашува дали некој свесно ги прави ваквите провокации за да им наштети како на угледот на бугарската заедница, така и на добрососедските односи.

„Ние имавме соопштение како МНР ден пред отворањето на тој клуб. Имаше реакции зошто ние реагираме. И формално е така, зашто тоа и не е наша надлежност. Но имавме потреба да го изнесеме нашиот став. Мојот став е дека имаме два аспекти кои не треба да се мешаат:

Правото на здружување е уставно загарантирано право и важи за сите граѓани. Тоа е недвосмислено. Земјава е потписник на Конвенцијата за заштита на малцински права. Но во истата конвенција се вели и дека тоа се прави во духот на толеранција и добрососедство

Името е избрано такво, цар Борис, но мислам дека не е во духот на втората точка од конвенцијата, зашто не создава услови за толеранција, соживот и добрососедство. Го сметам името за провокација и мислам дека е на штета на бугарската заедница во Македонија. Дали тоа некој го прави свесно, не можам да кажам. Како човек на функции и со искуство, сметам дека е на штета на Бугарите во услови кога тие, според Протоколот и договорите со Бугарија имаат можност да ги развиваат своите активности како заедница Кој им го штити угледот и овде и пред меѓународната заедница не можам да кажам, но факт е дека не е во итнерес на Бугарите од Македонија. Тоа им пречи за афирмација на малцинските вредности на Бугарите во земјава. Но самите тие, како и  Бугарија е најдобро да кажат дали и колку штети трпат“, рече Османи.

Тој додаде дека избраните имиња како цар Борис и Иван Михајлов се така избрани што не само што се неприфатливи за нас во Макаедонија, туку, рече, и за пошироката меѓународна заедница.

На прашањето од новинарите, доколку МНР не е надлежно да иницира забрана за избор на име на здружени, дали исто така ниту МНР ниту државата не би можела да забрани здружение со име според Адолф Хитлер, Османи не одговори директно, но рече дека МНР и навистина нема надлежност во таа правна сфера и дека тој не е министер за правда.

Според министерот, полицијата во Охрид вчера делуваше превентивно и затоа овој настан, како што оцени, не би требало да биде злоупотребен против нашата држава ниту во контекстот на ЕУ, ниту во друг однос.

„Но секако има злонамерници кои ќе се обидат случајот да го искористат за навреди на Бугари и бугарската држава“, рече тој.

Во однос на изјавите на неговиот бугарски когела Николај Милов, на прашањето дали ги доживеа како мешање во внатрешните работи на Македонија, Османи одговори потврдно.

„Тоа е недозволиво мешање во внатрешните работи. Сакав тоа да му го кажам во Прата, на состанокот на Европската заедница, но не успеав, се надевам ќе му го кажам тоа на следното патување во Берлин“, рече Османи.

ПОСЛЕДНИ

Лаутаро наскоро става потпис на нов договор

Лаутаро Мартинез игра фантастична сезона во дресот на Интер, па „нероаѕурите“ му спремија нов договор.Извршниот директор, Бепе Марота потврди дека клубот веќе започнал...

Де Лаурентис: Не може да се освои Скудето без измами

Наполи минатата сезона после повеќе од 30 години постигна историски успех и го освои Скудетото.Наполи и оваа сезона влезе како еден од главните...

Ема Стоун блесна во фустан кој остава малку на имагинацијата

126 На премиерата на црната комедија „Poor Things“, 35-годишната актерка Ема Стоун се појави во шик жолт фустан од Луј Витон. За овој луксузен француски бренд,...

12-годишно девојче прегазено на булевар „Србија“, надвор од животна опасност

Малолетно девојче е прегазено вечерва на булеварот Србија кај бензинската пумпа „Лукоил“. Според информациите станува збор за девојче на возраст од околу 12 години, а...