Општина Центар заштедила повеќе од 700 000 денари затоа што во изминатата година не направила трошоци за угостителски услуги и за патувања во странство.
Како што информираат од Центар, градоначалнкот Горан Герасимовски го исполнил она што го ветил, а тоа е одговорно и домаќинско работење, а во првата година од неговиот мандат реализирани се бројни настани и проекти, започнати се капитални инвестиции со кои ќе се подобрат условите за живот на граѓаните и ги зголемуваат можностите за социјален и економски развој.
Сите овие проекти кои во изминатата година се започнаа и голем дел од нив веќе реализираа се доказ дека единствен мој фокус и на општинската администрација се граѓаните и нивните интереси и потреби. Сите непродуктивните трошоци кои служат за лични привилегии не се одлика на оваа локална самоуправа. Ова е година на голема криза која сериозно го погоди и намали буџетот на општината и затоа единствениот начин да заштедиме и инвестираме е токму преку отстранување на непродуктивните трошоци кои служат за лични привилегии – посочува Герасимовски.
Во интерес на граѓаните во следниот период Герасимовски и општинската администрација ќе одржат серија трибини на кои ќе ги слушнат барањата на граѓаните во рамки на буџетскиот форум. Дел од овие барања ќе бидат вградени во креирање на буџетот за 2023 година.