Во изминатите 24 часа најмногу дожд наврнал на Попова Шапка, 21 литар на метар квадратен, а најмалку во Пожаране, Претор и Демир Капија, еден литар.

Како што соопшти УХМР, до 8 часот утрово се измерени и 13 литри во Крива Паланка, 11 во Прилеп, 4 во Тополчани и Ѓуриште, како и 2 во Битола, Штип, 1 Пожаране, Претор, Демир Капија.-

Времето денеска ќе биде променливо облачно, посвежо, од пладневните часови нестабилно со пороен дожд, грмежи и засилен ветер. Локално во попладневните часови ќе има услови за појава на невреме со пообилен дожд, силни електрични празнења, силен ветер и појава на град. Максималната температура ќе биде во интервал од 23 до 30 степени. УВ индексот ќе биде 5.

Во Скопје променливо облачно, од пладневните часови со повремен пороен дожд, грмежи и засилен ветер, во делови од котлината со услови за краткотрајно невреме со интензивен пороен дожд, силен ветер и електрични празнења. Mаксималната температура ќе достигне 29 степени.