Вчера заврши групната фаза од Лигата на шампионите, а денес се сумираат впечатоците и се чека ждрепката в понеделкик, која сигурно ќе ни донесе неколку одлични двојки веќе во осминафиналето.
Групната фаза оваа сезона ќе биде запаметена по многу нешта, најмногу по невидениот исход од групата Х во која Бенфика го освои првото место пред Пари Сен Жермен поради повеќе постигнати голови на гости. Тие две екипи имаа ист број бодови, ист меѓусебен скор, иста гол разлика и ист број на постигнати и примени голови.
Карло Анчелоти го надмина Алекс Фергусон, а во историјата заминува уште еден параметар од оваа групна фаза, кој го напишаа италијанските тренери. Пет од нив успеаја да ги одведат своите клубови во нокаут фазата, па Италија за првпат во историјата ќе има дури пет стратези во осминафиналето.
Тоа се Карло Анчелоти од Реал, Лучијано Спалети од Наполи, Симоне Инзаги од Интер, Стефано Пиоли од Милан и Антонио Конте од Тотенхем.
Можеше да има шест ако Масимилијано Алегри и неговиот Јувентус не потфрлија во групата Х, во која освоија само три бода, па натпреварувањето ќе продолжи во Лига Европа.