Милан Поповиќ гостуваше во „Новото утро“ одговарајќи на големите скокотливи прашања на Јелена Јеремиќ, кои дефинитивно не ги штедеше, а успеа да ги извлече сите детали од односот со Северина за што јавноста не беше упатена.
Поранешниот партнер на популарната пејачка откри како дошло до конфликт, како и тоа дека Северина го уценувала да биде интимен со неа:
„Додека Северина беше во блажена состојба, ние се гледавме, се дружевме, ја финансирав бременоста, бидејќи од мене бараше да ги компензирам сите трошоци кои ги имаше бидејќи таа не можеше да работи додека беше во блажена состојба“, вели Милан.
„Никогаш не живеевме заедно, се гледавме само за викенди, после три месеци почнаа расправиите. Јас ќе заминев пред да почне расправата, бидејќи не беше пријатно да се биде во таква врска. Во тие неколку пати Северина остана бремена“, додаде Поповиќ.
„Целата бременост ја одржував, буквално и` носев доручек, бев таму присутен и сакав со Северина да бидам партер во родителството. А потоа почнаа уцените ако не бидам интимен со неа, да спијам со неа, дека таа ќе ми брани да бидам родител, дека некои луѓе ќе ме посетат, некои заштитници“, раскажа Милан во еден здив, а потоа откри:
„Во јуни 2013 година имавме ситуација, кога и` зборував за оваа врска почна да полудува, бевме на Кипар. После три недели, и` предложив родителски план. Во Дубровник се сретнавме по пат и таа ми рече дека има милион евра кредит, и јас сакав да и` го вратам тој кредит, и да продолжам да плаќам 10.000 евра алиментација“, кажува Милан и открива дека се чувствувал изневерено од нејзина страна.
„Јас се заљубив во личност која глумеше. И понатаму се чувствувам измамено емотивно, како некој финансиски проект“, заклучи Поповиќ.