Репрезентација на Аргентина славеше со убедливи 5:0 против Обединетите Арапски Емирати во пријателски натпревар пред почетокот на Мундијалот.
„Гаучосите“ покажаа дека се во одлична форма пред Мундијалот, играа одлично и добро функционираа сите линии на тимот.
Хулијан Алварез го отвори резултатот, а потоа двапати стрелаше Анхел Ди Марија.
Меси постигна фантастичен гол, а конечните 5:0 беа дело на Хоаким Кореа.
