Претседателот на Барселона, Жоан Лапорта ги израдува фановите и најави можно враќање на Лионел Меси на „Камп Ноу“ во иднина.
Меси минатата година ја напушти Барселона поради тешката финансиска ситуација во која се најде каталонскиот клуб и реши кариерата да ја продолжи во ПСЖ.
„Верувам, се надевам и посакувам приказната на Меси со Барселона да не биде завршена. Верувам дека тоа е отворена тема. Наша одговорност е да обезбедиме подобар крај отколку што имаше“, изјави Лапорта.
Меси има договор со францускиот клуб до јуни следната година, а неодамна одби да ја продолжи соработката со „светците“.
„Се чувствувам должен кон него. Морално, како претседател на Барселона, мислам дека го направив тоа што требаше да го направам, но на личен план мислам дека му должам“, заклучи Лапорта.
Меси во Барселона пристигна на 13 години, а за каталонскиот клуб одигра 778 натпревари и постигна 672 гола. Со тимот на „Ноу Камп“ освои 34 трофеи и важи за најголема легенда во историјата на клубот.
