Денес Тотенхем беше поразен во лондонското дерби против Арсенал со 1:3, но овој натпревар и покрај поразот долго ќе го памети напаѓачот на „петлите“ Хари Кејн.
Првата ѕвезда на Тотенхем кој денес беше стрелец на единствениот гол за својот тим од пенал успеа да урне дури три рекорди. Кејн во 31. минута кога ја реализираше најстрогата казна го постигна неговиот 100-ти јубилеен гол на гостувањата.
Овој гол за него беше 44-ти во лондонските дербија и така успеа да го прескокне Тиери Анри кој овој натпревар го гледаше од трибините.
Третиот рекорд на Кејн е што тој гол беше и седми против Арсенал со што стана првиот фудбалер кој постигнал толку голови против еден англиски премиерлигаш.
Коментари
