Синоќа се одиграа атрактивни пријателски натпревари, а најголемо внимание привлече дуелот помеѓу Манчестер Сити и Баерн Минхен.
Ова воедно беше и деби за Ерлинг Халанд во дресот на Сити и веднаш покажа дека ќе биде големо засилување.
Норвежанецот во 12-та минута го постигна првиот гол во дресот на Сити, на асистенција на Џек Грилиш, а тоа се покажа одлучувачки за победа на „граѓаните“.
Арсенал убедливо го совлада Челзи со резултат 4:0. Стрелци на головите беа Габриел Жесус, Мартин Одегард, Букајо Сака и Алберт Самби Локонга. Олександр Зинченко дебитираше за Арсенал и покажа дека може да биде големо засилување за „топчиите“.
