Првиот потпретседател на Владата и министер за политички систем и односи меѓу заедниците, Артан Груби, денеска оствари средба со специјалниот претставник на Обединетото Кралство за Западен Балкан, г. Стјуарт Пич заедно со амбасадорот г. Метју Лосон.
„Разговаравме за постигнатиот напредок на земјата на патот на евроинтеграциите, постојаната поддршка на Обединетото Кралство за унапредување на демократските процеси на развој на земјата врз принципите на мир и еднаквост, како и важноста од продолжување на борбата против криминалот и корупцијата, процесот на реформите, усвојувањето на уставните измени и потребата од конструктивен пристап од страна на сите чинители за ефикасна реализација на овие круцијални процеси за нашата европска перспектива“, истакна Груби.