Денеска, првиот потпретседател на владата и министер за политички систем и односи меѓу заедниците, Артан Груби во рамките на меѓународната конференција “Women Peace Security“ оствари средба со европратеникот Илхан Кјучук во Приштина на покана на Претседателката на Република Косово, г-ѓа Вјоса Османи.
„Како во секој наш разговор ја изразивме важноста од политичка стабилност и континуитетот на успешната работа во сите сегменти за унапредување на процесите на интеграција на земјата во Европска унија“, истакна Груби.
Исто така, на средбата било разговарано и за извештајот на Европската комисија за напредокот на Северна Македонија, констатирајќи ги направените чекори напред и сериозноста на новите предизвици како скрининг процесот и зајакнувањето на добрососедските односи со Бугарија.
Исто така, разгледани биле и плановите за реформите и уставните измени за продолжување на европскиот пат, со поддршка на ЕУ и САД.