Првиот потпретседател на Владата воедно и министер за политички систем и односи меѓу заедниците, Артан Груби во ова кризно време објави една одлична вест за сите граѓани на државата.
Груби преку статус на социјалните мрежи објави дека нашата земја успеала да обезбеди 530 милиони долари од Меѓународниот монетарен фонд, средства кои ќе бидат достапни за одржување на економската стабилност во време на светската економска и енергетска криза, што меѓу другото, според Груби, придонесува во надминувањето на последниот предизвик за изградба на Коридорот 8 и 10 Д.
„Овој постигнат договор е објективна потврда за стабилните економски политики кои Владата ги спроведува.
Им се заблагодарувам на нашите стратешки партнери за поддршката и му честитам на министерот за финансии, Фатмир Бесими кој заедно со неговиот тим направија одлична работа за постигнување на многу важен договор!“, истакна Груби.