Енчев: Бугарија наскоро ќе го затвори македонскиот клуб во Благоевград

Финансирањето на македонскиот културен клуб „Никола Вапцаров“ во Благоевград е директно од Агенцијата за разузнавање (АР) на Република Северна Македонија. Т.н македонски организации од Канада наведени како официјални спонзори на клубот се само фронтови за македонското внатрешно разузнавање, вели во изјава за „Локално“, бугарскиот новинар, политичар и дипломат Велизар Енчев. 

Според него, „предметната агенција ги насочува антибугарските активности на македонските здруженија во Канада, Австралија и САД, како и во Западна Европа“. Тој потенцира дека македонското разузнавање стои и зад отворањето на Катедрата за македонистика во Западна и Источна Европа, со предавачи одобрени од агенцијата.

-Разузнавачката агенција преку својата агенциска мрежа во Албанија директно интервенира во активностите на бугарските организации во Голо Бардо, обидувајќи се да ги асимилира и македонизира. Овој факт е добро познат на бугарската страна, вели Енчев.

За здружението на Македонци во Бугарија „ОМО Илинден-Пирин“, Енчев вели дека е „организација создадена по 1989 година од југословенските тајни служби“.

-По 15 јануари 1992 година, кога се роди Република Македонија, македонските разузнавачки и контраразузнавачки служби директно ја презедоа контролата и финансирањето на сепаратистите од ОМО Илинден. Агенцијата за разузнавање не дозволува вакви остри активни настани меѓу Бугарите во Грција, кои се сметаат за Македонци од Скопје, бидејќи грчката страна не трпи таква активност и реагира крајно остро на македонизмот на Скопје. Поради овие причини, бугарската страна наскоро ќе преземе соодветни дејствија како одговор на деструктивната активност на Агенцијата, вкл. затворање на македонскиот клуб во Благоевград. Покрај тоа, тој беше создаден од приватни лица кои припаѓаат на организација забранета како сепаратистичка, појаснува Енчев и додава:

-Членот 11 (ст. 4) од Уставот на Република Бугарија императивно го негира правото на постоење на политички партии на етничка, расна или верска основа. Затоа, секоја манифестација на вакви организации ќе биде санкционирана од органите на прогонот.

Итно е дијалогот меѓу Бугарија и Северна Македонија да се врати во нормала. Ова го соопшти шефот на македонската дипломатија Бујар Османи.

Тој најави дека планира посета на Бугарија. Османи ги коментираше контроверзите околу отворањето на националните клубови во двете земји.

-Тоа беше отворање на клубови како реакција на бугарскиот во Охрид, а не за промовирање идеали. Мислам дека треба да ги вратиме односиме во нормала и да отвориме официјален културен клуб во Благоевград, кој е поддржан од Владата, коментира Османи.

Тој најави дека отворањето на бугарски клубови во Македонија не било со идеја за популаризирање на бугарската заедница. Истото го кажа и за клубот во Благоевград, отворен од македонски организации и здруженија.

Комуникацијата со бугарските претставници продолжува, а посетата треба да се случи во наредните денови.

Н.П.

ПОСЛЕДНИ

Неверојатно промашување на Кварацхелија🎥

Јувентус и Наполи играат возбудлив натпревар кој на полувремето заврши без голови, но со многу шанси.Најзрелата ја пропушти Квича Кварацхелија, кој имаше „пенал...

Белингам мора на операција!?

Џуд Белингам оваа сезона е убедливо најдобриот фудбалер на Реал Мадрид, но тренерот Карло Анчелоти ги загрижи фановите.Англичанецот има проблем со рамото и...

Адеми му честиташе на Џафери: Али Ахмети ја руши секоја политичка бариера за Албанците 

Координаторот на пратеничката група на ДУИ, Арбер Адеми преку објава на социјалните мрежи му честиташе на Талат Џафери за кого беше одлучено на последниот...

Талат Џафери ќе биде прв албански премиер

Демократската унија за интеграција (ДУИ) на партискиот состанок одлучи актуелниот претседател на Собранието, Талат Џафери, да биде човекот кој ќе ја преземе функцијата технички...