Ѕвездата на Барселона, Осман Дембеле призна дека недоволната работа била причина за неговите многубројни повреди во минатото.
Притоа откри дека доаѓањето на Роналд Куман за тренер во Барселона донело позитивна промена во тој поглед.
„Повредите дојдоа затоа што кога имав 20 години не работев како сега. Ако сакате да бидете одличен играч, мора да работите напорно. Вашиот талент не е доволен. Не го знаев тоа порано, но сега гледам дека работата на теренот и надвор од него е клучна“.
„Дали ме фати паника поради повредите? Да, почнав да се чувствувам малку исплашен. Мислев дека може да се повредам во секој момент. Се се промени со доаѓањето на Роналд Куман. Имав повреда на колкот и имав многу страв. Но, тогаш се се промени на подобро. Работите се подобрија по таа повреда кога пристигна Куман“, изјави Французинот.
„Работев напорно за да избегнам повеќе повреди. Почнав да играм. Мислам дека тоа време одиграв 46 натпревари. Разговарав со кондициските тренери и со мојот личен. Тогаш ми рекоа дека ако не работам, ќе продолжам да се повредувам и дека нема да уживам во фудбалот. Сега имам личен тренер кој одржува контакт со Иван Торес и другите тренери во Барселона. Вежбам наутро и имам дополнителни вежби после тренинг за да ги зајакнам тетивите“, изјави Дембеле во интервју за„Мундо Депортиво“.
Dembélé: “I’ve been working a lot with my physiotherapist and the club’s staff, who are very good. I learned that the key is to work outside of the pitch. If you don’t do that, you’ll be injured for sure. That’s what happened to me when I was 20. I didn’t work on prevention.” pic.twitter.com/iqIkTzLMYx
— Barça Universal (@BarcaUniversal) September 6, 2022
