Шпанскиот голман Давид де Геа откри дека нема намера да си замине од Манчестер Јунајтед и сака уште долги години да игра на „Олд Трафорд“.
Де Геа пристигна во Јунајтед во 2011 година од Атлетико, се стекна со легендарен статус во клубот, но неговиот договор истекува на крајот на сезоната.
„Црвените ѓаволи“ имаат опција еднострано да го продолжат договорот на уште една година, но се уште не се започнати преговори за продолжување на соработката.
Поради тоа се појавија шпекулации дека Де Геа може да си замине на крајот на сезоната и дека Јунајтед веќе бара замена.
„Се разбира дека сакам да останам во Манчестер Јунајтед уште долги години. Да видиме што ќе се случи во иднина, но јас сум среќен во клубот“, изјави Де Геа.
Коментари