Летото за пејачот штотуку започна. Даниел Кајмакоски пред неколку година се пресели во соседна Србија, каде продолжи да ја гради својата музика кариера.
Пејачот е активен на музичка сцена, а заедно со својот бенд преку целото лето настапуваше низ регионот. По напорната работа пејачот реши почетокот на месец септември да го искористи и да ужива покрај море.
Кајмакоски не е премногу активен на социјалните мрежи и секојдневно не објавува за актуелните случувања во неговиот живот, а многу ретко открива детали од неговиот приватен живот. Сепак, овој пат пејачот реши да не почести со неколку фотографии.
Кој вели дека летото завршило? Се надевам дека и вие уживавте во вашиот одмор како и јас… Се уште ве сакам без огледа на се! – напиша Даниел во описот на фотографија која пејачот ја сподели со своите следбеници.
Даниел на својот инстаграм профил се пофали дека одморот го поминува во женско друштво. На фотографиите може да се забележи дека Даниел и дамата која е во негово друштво се разладуваат со пиво, уживаат под сончевите зраци и мирното море.
Каде точно летуваат и која е девојката која е во негово друштво не знаеме, но веруваме дека уживаат еден покрај друг.
