Четворица поранешни министри во влада на хрватскиот премиер Андреј Пленковиќ се обвинети за корупција, потврди Жупанискиот суд во Загреб.
Според информациите, се работи за Дарко Хорват, Борис Милошевиќ, Томислав Толушиќ и Јосип Аладровиќ и четворица други осомничени во две гранки на истрагата покрената поради наводни незаконитости со доделувањето стимулативни мерки.
Министерот Борис Милошевиќ (СДСС) беше потпретседател во владата на Пленковиќ.
Заедно со поранешните министри, обвинети се и помошничката на Хорват, Ана Мандач, поранешниот државен секретар на Министерството за регионален развој Велимир Жунац, директорката на управата за помошни области Катица Мишковиќ и градоначалникот на Жупања, Дамир Јузбашиќ.
Иако сега сите четворица веќе ја напуштија функцијата, во моментот на покренување на истрагата против нив, во февруари годинава, во актуелната влада седеа тројца од нив: Дарко Хорват, Борис Милошевиќ и Јосип Аладровиќ. Четвртиот, Томислав Толушиќ, беше разрешен седум месеци претходно.