Парламентот на Холандија изгласа резолуција против влезот на Бугарија и Романија во Шенген зоната. Гласањето во холандскиот парламент се случи два дена по резолуцијата на Европскиот парламент да им се дозволи на двете земји да влезат во Шенген.
Холандските пратеници со оваа резолуција побараа премиерот Марк Руте да стави вето на влезот на Бугарија и Романија во Шенген, поради корупција и организиран криминал во двете земји.
На ова реагираше бугарскиот претседател Румен Радев кој кажа дека Бугарија станала заложник на внатрешната политика на Холандија.
