Бритни Спирс повторно ги шокираше фановите позирајќи разголена.
Поп-пејачката на својот Instagram профил објави неколку разголени фотографии како позира на плажа, што предизвикаа бројни реакции.
„Бритни, дали си добро?“ праша една следбеничка.
„Шокиран сум. Ти си Бритни Спирс. Нема потреба да се соблекуваш“, додаде друг.
„Те молам, побарај помош“, е исто така еден од коментарите.
Потсетуваме дека татко ѝ Џејми Спирс беше нејзин старател-конзерватор од 2008 година до минатата година, т.е. ја контролираше нејзината кариера, приватниот живот и финансиите.
Откако си ја врати контролата врз својот живот, Бритни Спирс почна редовно да објавува експлицитни содржини на социјалните мрежи.
„Веројатно се прашувате зошто дури сега го покажувам своето тело. Затоа што дојдов на овој свет гола. Се чувствував како да носам товар на рамениците и се гледам себеси низ тој објектив”, изјави претходно Бритни.
Сепак, многумина се загрижени за нејзиното ментално здравје. Таа неодамна хистерично се расплака додека се снимаше како танцува.
„Помина некое време откако не сум плачела пред камера! Тоа не е дефект, тоа е ослободување што ми требаше долго време! Духовно искуство, сигурно! Мислам дека треба да го правам тоа повеќе“, напиша таа.