Себастиен Алер ги напуштил подготовките на Борусија Дортмунд во Швајцарија, затоа што му е откриен тумор на тестисите.
Тој во понеделникот по тренингот се пожали дека не се чувствува добро, а лекарските прегледи открија дека има рак на тестисите.
После првичниот шок напаѓачот се огласи преку социјалните мрежи и порача дека ќе се фокусира на лекувањето за да се врати уште посилен.
„Благодарам на сите кои ми испраќаат пораки за поддршка и љубов после вчерашната вест. Моето семејство и јас ви благодариме. Сега ќе се фокусирам на лекувањето, за да се вратам посилен“, порача репрезентативецот на Брегот на Слоновата коска.
28-годишниот напаѓач минатиот месец се пресели во Борусија Дортмунд од Ајакс за 35 милиони евра.
Коментари
