Српската пејачка Теа Таировиќ во неделата беше во центарот на вниманието по нејзиното приведување од страна на полицијата во Германија, а во понеделникот се врати дома во Белград. Како што дознава Курир.рс од извор близок до пејачката, Теа морала да докажува дека не спонзорира терористи, поради големата сума на пари што ја носела со себе.
Теа имаше мини турнеја во Германија, а наместо убави спомени, дома се врати со „траума“. Таа го прекршила германскиот закон кој одредува колку време и колку работни часови може да има пејач во земја од Европската унија. Секако, таа не била свесна за овој прекршок и постојано била збунета додека траела полициската интервенција. Полициското испрашување траело кратко.
Покрај тоа, пејачката со себе носела и голема сума пари, па морала да ѝ докаже на граничната полиција дека не спонзорира терористи. Наводно, сето тоа било стандардна процедура.
-Теа прво била задржана на аеродром затоа што пречекорила три дена во Шенген зоната, тоа го потврди и нејзиниот менаџер Неша. После тоа ја одвоиле од останатите патници, а деталната проверка покажала дека со себе носи многу повеќе пари отколку што е дозволено со закон. Полицајците при претрес на нејзиниот багаж пронашле околу 40.000 евра кои таа ги заработила на настапи во Бугарија и Германија, а дозволене е да се пренесуваат најмногу 10.000 евра. Кога ја нашле таа голема сума на пари, настанала вистинска драма бидејќи полицијата прво морала да провери дали Теа е спонзор на терористичка организација и дали парите биле планирани за нејзино финансирање – открил извор близок до пејачката.
-Откако утврдиле дека Теа нема никаква врска со некоја терористичка организација, продолжило нејзиното испрашување. Таа со парите сакала да купи автомобил во Германија. Со оглед на тоа дека немала никаков доказ од каде и од кого ќе го купува автомобилот, морала да докаже дека е пејачка и на полицијата ѝ покажала фотографии и снимки од настапот на нејзиниот инстаграм-профил. Тогаш полицијата сфатила дека таа ја кажува вистината, но биле направени уште неколку проверки, а најголем дел од парите ѝ биле одземени. Теа добила 10.000 евра, сума што е дозволено да се носи во готово, а остатокот од парите го задржала полицијата, додека пејачката не докаже како ги заработила. Поради сето тоа можно е да добие забрана за влез во Германија во времетраење од пет години – објаснил изворот.
Таировиќ слета во Белград во придружба на двајца телохранители, а на аеродромот ја пречека вистински медиумски циркус, кој таа успешно го избегна и сѐ уште нема дадено изјава за ситуацијата.
