Пејачот со ангелскиот глас, како што многумина го нарекуваа, загина во тешка сообраќајна несреќа. Трагедијата се случи на автопатот Загреб-Липовац кај Нова Градишка на 16 октомври 2007 година.
Легендарниот пејач Тодор Тоше Проески остави голема трага во музиката, за него велеа дека има ангелски глас, а неговите песни се популарни и денес, 15 години по неговата смрт.
Својата популарност и успешна кариера ја изгради исклучиво со помош на неверојатниот музички талент што го поседуваше, а веста за неговата смрт на денешен ден во 2007 година го расплака целиот регион.