Водачот на шкаљарскиот клан, Јован Вукотиќ, кој беше убиен во Истанбул, Турција, се криел со пасош од С. Македонија, под името Георѓи Андонов, дознава Борба.
Злосторството се случи во четвртокот вечерта околу 20:00 часот пред очите на невенчаната сопруга на Вукотиќ, Маша М., која е бремена, и нејзината малолетна ќерка.
– Вукотиќ е убиен додека бил во автомобил со сопругата и малата ќерка. Напаѓачите со мотор се приближиле до автомобилот и отвориле оган. Вукотиќ го погодиле неколку истрели, а за среќа сопругата и девојчето не се повредени – открива изворот на медиумот.
По пукањето напаѓачите бргу побегнале. Лекарите се обиделе да му помогнат на Вукотиќ, но тој не можел да се спаси.