„Вирџин орбит“, компанијата за лансирање сателити основана од британскиот милијардер Ричард Бренсон, трајно се гаси, само неколку месеци по големиот неуспех на една од нејзините мисии.
Во соопштението во кое се најавува продажбата на имот на четворица понудувачи, од компанијата им се заблагодаруваат на своите вработени и засегнатите страни и изразуваат надеж дека ќе остане запаметена по своите „револуционерни технологии“.
Фирмата со седиште во Калифорнија, која на почетокот на април веќе поднесе барање за заштита од банкрот, ги продаде своите главни имоти на аукција, враќајќи над 36 милиони долари.
Таа бројка е еден процент од вредноста што компанијата ја постигна на крајот на 2021 година на Волстрит, кога беше проценета на 3,5 милијарди долари.
Вселенскиот проект на Ричард Бренсон згаснува: „Вирџин орбит“ престанува со работа
