Вархеји: Се врати волјата за проширување на ЕУ

Европскиот комесар за соседство и политика за проширување Оливер Вархеји денеска изјави дека се вратила волјата за проширување на Европската унија и посочи дека Србија презема „мали чекори“ кога станува збор за усогласување со надворешната политика на Унијата.

-Србија, кандидат за ЕУ, одржува блиски врски со Кремљ за време на десетгодишното владеење на претседателот Александар Вучиќ и се двоуми да се приклучи на санкциите против Русија, и покрај притисокот од Западот, изјави Вархеји во интервју за бриселскиот портал Еурактив.

На прашањето дали ЕУ би била заинтересирана за забрзување на пристапните преговори со Белград, Вархеји рече дека Србија отсекогаш имала многу посебни односи со Русија.

„Она што го гледаме во Србија е дека тие се во многу тешка ситуација поради ранливоста кога станува збор за снабдувањето со енергија и поради нерасчистената безбедносна рамка“, вели Вархеји и посочи дека земјата е речиси целосно зависна од рускиот гас и дека нејзината водечка енергетска компанија во мнозинска руска сопственост.

Тој додава дека и покрај стравувањата за усогласување (надворешна политика), во последните месеци може да се забележат позитивни знаци, а еден од нив е гласањето на Србија со Западот во Генералното собрание на ОН за Украина.

„Сакаме Србија да ни биде сојузник, ни треба Србија да се солидаризира со нас, но мораме да ја разбереме и нејзината позиција кога бараме нешто од неа“, истакнал Вархеји.

Европскиот комесар претходно се соочи со критики за обидот да го охрабри Белград на патот кон ЕУ, и покрај загриженоста за владеењето на правото.

Според него, Србија прави мали чекори и Брисел треба да им дозволи да ги преземат тие чекори.

„Затоа што ако не го сториме тоа, тогаш го добиваме токму спротивното од она што го сакаме“, кажа еврокомесарот навестувајќи дека отвореното пресилно притискање на Белград на одредени позиции носи ризик од губење на таа земја од ЕУ.

Вархеји истакна дека многу членки на ЕУ сакаат да видат поголема солидарност од Белград.

„Се надевам дека ќе дојде постепено, Белград е на европскиот пат, Србија е земја кандидат за ЕУ“, побарал еврокомесарот.

Вархеји порачал и дека војната во Украина ја „интензивирала“ дебатата за процесот на проширување на ЕУ и укажа на потребата од забрзување на процедурите кои претходната Комисија суштински ги прекина.

„Можеби ова е единствениот позитивен ефект од руската војна во Украина, бидејќи ги отрезни дискусиите за проширување, како и капацитетот за апсорпција на ЕУ“, оценил Варјеји.

Според него, ЕУ денес не само што разбира, туку е подготвена да работи на тоа, дека Европа нема да има безбедност, стабилност и просперитет без целосна интеграција на Западен Балкан.

Во последните години немаше голема волја за проширување во ЕУ и некои членки се обидоа да ја реформираат Унијата пред да примат нови членки.

„Не заборавајте, ние го презедовме мандатот од Европската комисија, која рече не за проширување, а потоа штетата е направена“, вели Вархеји, додавајќи дека Комисијата Јункер во втората половина од својот мандат сфатила дека тоа е стратешка грешка.

„Она што сега го очекувам и што ќе биде огромна одговорност за Комисијата е да постои јасна политичка волја, која не беше секогаш очигледна“, посочил еврокомесарот.

ПОСЛЕДНИ

Меси испратен со свирежи, тој имаше одговор за фановите🎥

Што ќе се случува во последното коло во Серија А, Ла Лига и Лига 1 ↓↓↓https://www.youtube.com/watch?v=QLKC01XSZ7IЛионел Меси синоќа го одигра својот последен натпревар...

Османи објави план од 9 чекори за нормализација на ситуацијата во Косово

Претседавачот со ОБСЕ, министерот Бујар Османи, објави план во девет чекори за деескалација и нормализација на тензиите на северот на Косово. Планот, како што се...

Во експлозија кај Днепар 20 повредени, меѓу кои пет деца

Руска ракета погоди двокатна станбена зграда во близина на Днепар, при што се повредени најмалку 20 лица, меѓу кои пет деца, соопшти синоќа шефот...

Попладне пороен дожд и грмежи

Времето денеска претпладне ќе биде сончево со мала до умерена облачност. Oд пoпладневните часови на повеќе места ќе биде нестабилно со пороен дожд, грмежи и...