Утрово е регистриран земјотрес со епицентар меѓу охридските села Куратица и Опеница.
Според Европско-медитеранскиот сеизмолошки центар, станува збор за слаб земјотрес со јачина од 2,6 степени според рихтеровата скала.
Потресот, регистриран во 09:04 часот, бил со епицентар 12 км северо-источно од Охрид, на 5 километри длабочина и 68 км северо-источно од Елбасан, Албанија.
Според извештаите, станува збор за редовна сеизмичка активност и нема место за паника.