Како да нема крај за проблемите на Рома. После повредата на Џорџињо Вајналдум кого го чека подолга пауза поради скршеница на ногата се повреди и Заниоло.
Без Вајналдум Рома најверојатно ќе биде некаде до јануари, а против Кремонезе Рома остана и без Заниоло кој заработи поситна повреда.
Во финишот од првото полувреме Заниоло во еден против напад незгодно падна и остана да лежи на тревата. Веднаш му беше укажана лекарска помош, а потоа беше заменет.
Италијанскиот репрезентативец беше изнесен на носилки и пренесен во болница. Рома без Заниоло ќе биде до крајот на септември. Следното коло „волчицата“ му гостува на Јувентус и сигурно дека неиграњето на Заниоло ќе биде проблем.
Коментари