Сите летови во САД се прекинати поради дефект на компјутерскиот систем на Федералната управа за авијација, јавуваат американските медиуми.
Најмалку 500 одложувања беа пријавени во или надвор од САД денеска, според Flight Aware.
Според извори и од социјалните мрежи, патниците се фрустрирани и седат на пистата со часови во полни авиони. Се смета дека има проблем со системот НОТАМ – алатка што се користи за предупредување на пилотите за потенцијални опасности при летот.
Претставниците на ФАА не открија кога ќе се реши прекинот.
Агенцијата соопшти дека „техничарите во моментот работат на обновување на системот и во моментот нема процена за обновување на услугата“.