Широка предизборна коалиција за БРЗО ЧЛЕНСТВО НА МАКЕДОНИЈА ВО ЕУ или за спас на ДУИ?

Вицепремиерот за европски прашања, Бојан Маричиќ вчера во интервју сподели дека вреди да се размисли околу формирање широка предизборна коалиција во чиј состав би влегле сите партии освен ВМРО-ДПМНЕ и Левица.

„Секоја идеја и концепт што оди во насока на креирање широк фронт на политички партии што ќе се најдат на страната на поддршка и на клучните реформи, брзото зачленување на Северна Македонија во ЕУ и отстранување на сите бариери на тој пат, е нешто за што вреди да се размисли. Владата во изминатите шест години направила многу за надминување на разликите и зголемување на кохезијата во државата“, рече вицепремиерот во гостувањето на емисијата „360 степени“.

Ваквата идеја ја актуелизира лидерот на ДУИ, Али Ахмети, на новогодишниот прием на партијата на 22-ри декември.

„Локално“ упати прашања до останатите политички партии што мислат за ваквата идеја и дали е прифатлива за нив.

Претседателката на ДОМ, Маја Морачанин изјави дека како партија воопшто немале разговор на темата избори со коалициските партнери, ниту внатре во партијата дискутирале по ова прашање.

-Ставот на ДОМ е јасен по предвремени избори – ние сме против и сметаме дека во периодот фокусот апсолутно треба да биде насочен кон решавање на проблемите произлезени од енегертската и економската криза, да се излезе во пресрет на потребите на граѓаните, спроведување на реформите и подобрување на квалитетот на животот на луѓето. Тоа е нашиот приоритет, кажа Морачанин.

Од партијата БЕСА за „Локално“ соопштија дека не сакаат да ги коментираат ваквите изјави.

-Не коментираме ставови и стратегии на други партии. Движењето БЕСА секој ден има се поголема подршка со своите автохтони политики и целта ни е да бидеме победник во албанскиот блок, кратко порачаа од партијата на Биљал Касами.

Лидерот на Демократски сојуз, Павле Трајанов смета дека ваквата широка коалиција ќе биде губитничка. Тој во изјава за „Локално“ истакна дека би била на штета на националните државни интереси.

-Коалиција само како коалиција без заедничка платформа, би била губитничка коалиција. Таа тешко ќе се реализира. Тоа би било обид за спасување на ДУИ кои имаат огромни проблеми внатре. Веројатно целата иницијатива произлегува од таму бидејќи повеќе од јасно дека ДУИ во Тетово и Гостивар ги изгуби изборите. На локално ниво други партии се таму на власт, не е ДУИ и тоа би било спасување за парламентарни избори, оцени Трајанов.

Тој порача дека неговата партија не поддржува таква коалиција.

-Коалиција после изборите врз основа на резултатите може да се прави, но предизборна без да се каже која платформа…Сите демократски партии сме цврсто определени за Европска Унија и ако се прави коалиција една за ЕУ, а другите што нема да бидат во коалиција против ЕУ, мислам дека е нелогично. Клучно е кој ја доведе државата во ваква ситуација. Сега ние повторно да менуваме Устав и да правиме отстапки…Тие што ја вовлекоа државата во ваква криза веројатно ќе добијат казна од граѓаните. И сега да се направи дополнителна коалиција со сите албански партии и СДСМ, мислам дека не е одговорна платформа. Тешко ќе помине, ако сакаме ДУИ да го спасиме е друга работа, но мислам дека најголем губитник во таква ситуација ќе биде СДСМ, вели Трајанов.

Н.П.

ПОСЛЕДНИ

Дојде како голем талент, а Анчелоти сезонава нема да смета на него?!

Unboxing: Што е ново во студиото на BMG Network!? ↓↓↓ https://www.youtube.com/watch?v=VWHUjtOK-xMТурскиот суперталент Арда Ѓулер нема да остане во Реал Мадрид оваа сезона, затоа...

Ковачевски: Младите образовани луѓе ѝ се потребни на државата

Премиерот Ковачевски присуствуваше на првиот академски час и доделувањето индекси на новите студенти на Медицинскиот факултет при Универзитетот „Св. Кирил и Методиј“ во Скопје,...

Адеми: Опозицијата ги штити интересите на казината, веќе две години го блокира Законот за игри на среќа

Координаторот на Демократската унија за интеграцијаа,  Арбер Адеми на денеска на прес-конференција изјави дека албанската опозиција се претворила во мегафон на македонската опозиција ВМРО-ДПМНЕ. Според...

Адеми: Албанската опозиција предводена од ВМРО го блокираше Законот за игри на среќа

Координаторот на пратеничката група на ДУИ, Арбер Адеми преку прес-конференција ги отфрли сите тврдења на албанската опозиција за Законот за игри на среќа. Адеми рече...