Девет земји од Централна и Источна Европа, вклучително и Северна Македонија и Црна Гора, го прифаќаат барањето на Украина за членство во НАТО, се вели во заедничката изјава.
Документот го потпишаа претседателите на Романија, Чешка, Естонија, Латвија, Литванија, Северна Македонија, Црна Гора, Полска и Словачка, кои наведуваат дека „цврсто стојат зад одлуката донесена на Самитот на НАТО во Букурешт за идното членство на Украина“.
Тие ја повикаа Русија „итно да се повлече од окупираните територии“ и нагласија дека „не ја признаваат легитимноста на припојувањето на териториите кон Руската Федерација“.
Рускиот претседател Владимир Путин на крајот на неделата потпиша договори за пристап со лидерите на Доњецката и Луганската народна република и регионите Керсон и Запорожје. Истиот ден, украинскиот лидер Володимир Зеленски го објави барањето за членство на Украина за забрзано членство во НАТО.
Но, од Алијансата порачаа дека „не е вистинскиот момент“ за тоа.