Селена Гомез е една од ретките јавни личности кои одбиваат да се усогласат со стандардите за убавина. Таа собра многу симпатии зборувајќи отворено за нејзината борба со депресијата и анксиозноста, што дефинитивно не е „популарна“ тема.

Сега, повторно воодушеви одбивајќи да ги прифати наметнатите стандарди за убавина, а својот став го искажа во интересно видео.

Таа на TikTok објави видео на кое лежи во едноделен костим за капење, а во преден план е нејзиниот стомак. Потоа се слуша глас кој ѝ вели: „Вовлечи го стомакот“, на што таа одговара: „Доста со тоа ср**е. Вистинските стомаци се враќаат, добро?“.

Нејзиното видео е прегледано повеќе од 18 милиони пати, а луѓето се воодушевени и најмногу ѝ се заблагодаруваат што го покажа вистинското женско тело и велат дека „им помага да се чувствуваат подобро во сопствената кожа“ и дека таа е „вистински модел“ меѓу познати личности.

Инаку, Селена Гомез не е единствената меѓу познатите кои се борат за здрав, нормален изглед на телото. Камила Кабело во последно време често беше критикувана за нејзината тежина и изглед.