Вкупно 17 цивили се убиени во руските ракетни напади вчера доцна во ноќта и рано утрото врз градот Харкив. Уште двајца цивили загинаа во ракетниот напад на Русија врз градот Краснохрад, изјави началникот на регионалната воена управа на Харков, Олех Синиехубов на Телеграм, пренесува Укринформ.
„Во текот на денот спасувачите ги демонтираа уништените куќи. За жал, под урнатините беа извлечени уште седум тела на жртви. Оттука, до сега, седумнаесет цивили се убиени во Харков, вклучително и момче родено во 2009 година. Четириесет и двајца цивили се повредени“, напиша Синиехубов.
Брачен пар беше убиен во сопствената куќа во Краснохрад, додека руски проектили го погодија градот. Нивната 12-годишна ќерка била исфрлена од куќата во дворот од експлозискиот бран. Таа беше тешко повредена. Во градот биле повредени уште двајца цивили.
Синиебув ги нарече масовните ракетни напади на Русија врз Харкив и Краснохрад како терористички напад и кршење на сите постоечки правила на војна.
„Руските терористи намерно истрелаа проектили врз станбени куќи“, нагласи Синиехубов.
Според портпаролот на регионалното обвинителство во Харкив, Дмитро Чубенко, четворица цивили се убиени, а 22 се повредени во округот Слобидски во Харкив, 13 убиени и 20 повредени во округот Салтивски во Харков, двајца убиени и тројца повредени во Краснохрад.