Напаѓачот на француската репрезентација Килијан Мбапе доби критики по средбата помеѓу Данска и Франција, а по оваа средба тој отиде и подалеку.
Мбапе за медиумите изјави дека во ПСЖ ја нема слободата во играта која ја има во националниот тим. Ваквата изјава стигна и до легендата на францускиот фудбал Емануел Пети кој го предупреди младиот фудбалер.
„Се жали секогаш истиот фудбалер, јазикот му е побрз од умот…Сигурно дека во еден момент ќе мора да запре. Килијан е интелигентен играч кој треба да ги знае последиците од кажааното. Место да му каже што мисли во теренот во четири очи, тој зборува се и сешто јавно и си прави бумеранг ефект“.
„Тука зборувам за важен играч кој ги става до знаење работите на целата јавност. Ако јас сега бев на местото на Меси ќе му се налутев за оваа негова изјава. Што можеме да очекуваме следно – сам да си го бира тимот со кој ќе игра ПСЖ?! Навистина не го разбирам“, изајви Пети.