Пејачката Рита Ора (31) тајно се омажила за својот партнер, режисерот Таика Ваитити (46).
Парот се венча на интимна церемонија во Лондон, пишуваат британски „Сан“.
„Тоа беше навистина интимна церемонија и посебно за сите што беа таму“, рекол изворот. „Најблиските можеа да видат колку се лудо вљубени“.
Изворот понатаму тврди дека пејачката – која исто така го сменила своето име во Ора Ваитити – сакала мала свадба за да ја „одржи нивната врска што е можно поприватна“.
„Планирана е и голема забава за прослава на венчавката, но не очекувајте таа да биде достапна за магазинот со најголема понуда.“
Ора навидум ја потврди веста со фотографија која ја објави на својата инстаграм-приказна, а на која носи прстен кој изгледа како бурма.
Пејачката и режисерот одлучиле минатиот месец да направат скромна свадбена церемонија, по која кон крајот на летото ќе приредат раскошна забава.