Со двојнатата победа на СДСМ и владејачката коалиција, во Центар Жупа и Маврово Ростуше граѓаните испратија силна, јасна и недвосмислена порака дека сакаат напредок, развој, европска држава и европски вредности. Граѓаните во тешки времиња препознаа дека СДСМ и европската коалиција го држат вистинскиот правец и ги спроведуваат вистинските, европски политики и на Мицкоски и Апасиев им испорачаа нов изборен пораз, се вели во денешното партиско соопштение.

„Што и да зборуваат од ВМРО-ДПМНЕ фактите се неумоливи. Тие на вонредните локални избори изгубија во две општини, а во третата имаат пад на гласовите од над 1.000 гласа.

Мицкоски може да се врати во основно образование бидејќи и математиката и политиката му се слаба страна. Тоа што се обидува сопствениот пораз да го претставува за некаква победа покажува дека Мицкоски има проблем со математичките операции ама и со логиката.

Можеби затоа и го нема да се јави Мицкоски со денови, макар и на својот ФБ профил.

Нема што да каже, бидејќи граѓаните му кажаа дека се за напредок, развој, економски раст, повисоки плати, одговорност и посветеност, а против блокади, деструкции, лаги и шпекулации.

Потонаа нарачаните анкети на ВМРО-ДПМНЕ, гласањето во саботата потврди дека анкетите кои си ги нарачува оваа партија немаат врска со реалноста. Се покажа дека ВМРО-ДПМНЕ нема поддршка од граѓаните а анкетите што ги нарачува неточни и погрешни“, соопшти СДСМ.

RELATED ARTICLESMORE FROM AUTHOR