Еден од најпознатите спортски новинари во Велика Британија, Пирс Морган верува дека Кристиано Роналдо сигурно ќе го напушти Манчестер Јунајтед ова лето.
Португалецот не отиде со тимот на подготовки во Азија и Австралија поради, лични причини, но побара трансфер од раководството.
Роналдо сака да го напушти „Олд Трафорд“ и да се пресели во тим кој настапува во Лигата на шампиони.
„Имав многу контакти во претходната недела. Мислам дека е малку веројатно дека Кристиано Роналдо повторно ќе одигра натпревар за Манчестер Јунајтед. Мислам дека во главата веќе е подготвен за нов предизвик”, изјави Морган.
„Мислам дека тој чувствува дека структурата на клубот не е во ред. Роналдо има почит кон новиот тренер Тен Хаг, но не е јасно во која насока сега оди Јунајтед“, додаде новинарот.