Интересни информации ни пристигнвуаат од Островот поврзани со дефанзивецот на Тотенхем, Емересон Ројал.
Овој фудбалер направи трансфер во Премиер лигата за сума од 30 милиони фунти, но во Тотенхем не само што не ги оправда очекувањата, туку е сметан и за големо промашување.
Секако, таквата ситуација не му се допаднала, па Ројал се одлучил да инвестира во својата форма. Како што пренесуваат медиумите тој потрошил 800.000 фунти на опрема за да ја подобри формата.
Станувало збор за опрема од сите аспекти. Прво купил опрема за сопствени потреби, а потоа ангажирал психолози и невропсихијатри за да работи на психичкиот момент. Дури ангажирал посебни скаути да го следат Ашраф Хакими и да му пренесуваат се што ќе забележат. За Ројал Хакими е пример како треба да се игра на позицијата десен бек.
Ваквата ситуација и била импресионирачка за тренерот Антонио Конте кој јавно го пофали.
„Навистина сум импресиониран од работната етика и неговиот напредок. Многу е подобар од минатата сезона и верувам ќе продолжи во тој правец“, изјави Конте.