Репрезентацијата на Англија вчера во последното коло од Лигата на Нации одигра 3:3 против Германија.
Англија во ова издание од Лигата на Нации е најголемото разочарување бидејќи никој не очекуваше оваа селекција да испадне во Лигата Б. Во групата покрај Англија беа Германија, Италија и Унгарија и очекувањата беа Англичните да се борат за првото место, но на крајот завршија последни и тоа без ниту една победа.
Вчерашниот натпревар против Германија се играше на „Вембли“, но Англија не можеше да дојде до победата. Иако направија одличен пресврт откако губеа со 2:0 на крајот Германија во самиот финиш со голот на Хаверц дојде до 3:3.
Навивачите немаа милост кон играчите, а посебно на мета беше Хари Мегваер. Мегваер долго време е критикуван за настапите во Манчестер Јунајтед. Вчера дефанзивецот доби свирежи уште пред почетокот на натпреварот на загревањето.
Ситуацијата за него дополнително се влоши кога во 52. минута направи пенал. Мегваер претходно поради лошите настапи го изгуби местото во Манчестер Јунајтед, меѓутоа Герет Саудгејт очигледно уште му верува.
Boos in among the cheers as Harry Maguire’s name was read out pre-match here at Wembley. He was booed during his last app here for England v Ivory Coast too in March.
Regardless of public feeling, Southgate is sticking by him… #eng #ENGGER pic.twitter.com/prMnahakQp
— Peter Smith (@psmithXI) September 26, 2022