Пелоси е на турнеја по Азија која вклучува ненајавени посети на Сингапур, Малезија, Јужна Кореја и Јапонија.
Таа по слетувањето кажа дека „посветеноста на САД на демократски Тајван е поважна од кога било“.
„Посетата на нашата конгресна делегација на Тајван е искажување почит кон неколебливата посветеност на Америка на поддршката на живата тајванска демократија“, кажа Пелоси набрзо по слетувањето.
„Солидарноста на Америка со 23 милиони луѓе на Тајван денес е поважна од кога било, бидејќи светот се соочува со избор меѓу автократија и демократија“, кажа таа.
Дописникот на Политико Стјуарт Лау објави дека Кина, по слетувањето на Пелоси на Тајван, најави воени вежби околу островот утре и задутре, барајќи бродовите и авиони да ја избегнуваат областа.
Пелоси со авион на американското воено воздухопловство слета денес на Тајван откако полета од Малезија и тргна по рута со која го заобиколи Јужното Кинеско Море.
