Милан го потпиша најскапиот спонзорски договор во својата историја

Италијанскиот гигант Милан денес го официјализираше новиот договор производителот на спортска опрема „Пума“.

„Пума“ е официјален спонзор на „росонерите“ од 2018 година, а денес двете страни ја продолжија соработката за нови пет години, односно до 2028 година.

До сега Милан добиваше 14 милиони евра годишно од „Пума“, а со новиот договор „росонерите“ ќе инкасираат меѓу 30 и 35 милиони евра по сезона, што е најскап спонзорски договор во историјата на клубот.

Според новиот договор, кој ќе стапи на сила од јануари 2023 година, „Пума“ ќе го прендира и тренинг центарот на женскиот тим на Милан.

🤝 @pumafootball and #ACMilan announce a long-term extension of their partnership and will launch the “PUMA House of Football” Training Center ➡️ https://t.co/kkfkiEQQnm#SempreMilan pic.twitter.com/DOoPMHDbES

— AC Milan (@acmilan) June 29, 2022