ТОП 5 можни трансфери овој Јануари – Феликс веќе потпиша ↓↓↓
Фудбалерот на Баерн Минхен, Џошуа Кимих призна дека по неуспехот на Светското првенство поминувал низ тешки моменти, а само децата го спасиле од депресија.
Германија беше елиминирана уште во групната фаза и тоа секако беше големо разочарување затоа што Германците имаа големи очекувања. Посебно тешко се прифаќаше затоа што и пред четири години во Русија Мундијалот го завршија исто така во групната фаза.
„Ми беше многу тешко, но на крајот не паднав во „црна-дупка“, а за тоа се заслужни моите три деца. Со нив имав обврски и морав да правам други работи, па така и не мислев за тоа што ни се случи во Катар“, изјави Кимих кој со Баерн ги одработува зимските подготовки.
Одбранбениот играч за врска не играл од 1. Декември како и поголемиот број германски репрезентативци кои настапуваат во Бундеслигата, па така мотивиран го дочекува продолжението од сезоната.
Баерн е лидер во германскиот шампионат со четири бода предност во однос на Фрајбург и шест повеќе од Лајпциг.