Медведев: И Европската Унија има нуклеарни централи. И таму би можела да се случи несреќа

Поранешниот руски претседател Дмитриј Медведев испрати суптилна закана до западните сојузници на Киев кои ја обвинуваат Русија дека создава ризик од нуклеарна катастрофа со стационирањето сили околу нуклеарната централа Запорожје. Украина ја обвини Русија дека од таму гаѓала украински градови знаејќи дека украинските сили не можат да ризикуваат да возвратат.

Киев тврди дека руските сили го гранатираат тоа подрачје, иако најголемата нуклеарна централа во Европа е под руска контрола од март.

„Тие (Киев и сојузниците) велат дека руските сили ја напаѓаат централата. Тоа е 100 отсто бесмислено, дури и за глупавата русофобна јавност“, напиша на Телеграм Медведев, заменик претседател на Советот за безбедност на Руската Федерација.

„Велат дека тоа може да се случи сосема случајно: Не го сакавме тоа. Што да се каже на тоа: Не заборавете дека и Европската Унија има нуклеарни централи. И таму може да се случат несреќи“, порача Медедев.

Киев и Обединетите нации повикаа на демилитаризација на таа област, додека Г7 повика Русија да ѝ ја врати таа територија на Украина. Претседателот на одборот за надворешни работи на рускиот парламент Дума Леонид Слутскиј кажа дека идејата за враќање на централата на Украина е „смешна дури и од безбедносен аспект“.

„Сите изјави на министрите за надворешни работи на Г7 во прилог на нивните барања не се ништо друго освен спонзорирање нуклеарен тероризам“, напиша тој.

ПОСЛЕДНИ

Ова се најплатените играчи во Премиер лигата, Де Брујне на врвот

Вежби за рехабилитација после повреда на преден вкрстен лигамент ↓↓↓ https://www.youtube.com/watch?v=gTf9xIolFwQФудбалерот на Манчестер сити, Кевин Де Брујне е најплатениот играч во Премиер лигата.Белгиецот со околу...

Проблем за Баерн: Повредата на Гнабри е сериозна

Вежби за рехабилитација после повреда на преден вкрстен лигамент ↓↓↓ https://www.youtube.com/watch?v=gTf9xIolFwQБаерн Минхен лесно ја заврши работата во Купот на гостувањето кај Пројзен Минстер,...

Саудиска Арабија посериозно ја развива својата нуклеарна програма

Саудиска Арабија ја објави својата посветеност на изградбата на нуклеарна програма, како и ветување дека ќе овозможи поголем надзор над инспекторите за атомска енергија,...

Приведен шверцер на мигранти од Струга, пронајдени 33 лица

Денеска, во 11.30 часот, полициски службеници од РЦ за ГР „Југ“ – ПС за ГП и ГН Богородица, во близина на бензинска пумпа на...