Извор за Wall Street Journal тврди дека Eлон Маск имал афера со Никол Шанахан, сопругата на ко-основачот на Google, Сергеј Брин, кој поднел барање за развод на почетокот на јануари.
Пријателите на двојката рекоа дека романсата на Маск со Никол е она што го натера милијардерот на Google да се разведе од сопругата.
Не е јасно колку долго траела романсата, но наводно се случила истиот месец кога Маск со својата поранешна девојка Грајмс добил девојче и еден месец откако тајно станал татко на близнаци со поранешната извршна директорка на стартапот за вештачка интелигенција – Neuralink.
Тој започнал да излегува со сегашната девојка Наташа Басет во февруари.
Седмиот најбогат човек на светот, чија вредност се проценува на 93 милијарди долари, поднел барање за развод во јануари, што го означи почетокот на еден од најскапите разводи во историјата на Силиконската долина.
Милијардерот бара и заедничко старателство над нивната двегодишна ќерка.
Тој претходно беше во брак со Ен Војчицки, што траеше од 2007 до 2015 година. Од тој брак има две деца.